शाओमी १७ म्याक्स सार्वजनिक, यस्ता छन् विशेषता

May 2026

शाओमी १७ सिरिजमा म्याक्स उपनाम भएको चौथो नयाँ सदस्य प्रस्तुत गरिएको छ। शाओमी १७ म्याक्सले शाओमी १७ प्रो म्याक्समा रहेको पछाडिको स्क्रिनलाई हटाएर उच्च रिजोल्युसनको २०० मेगापिक्सेलको मुख्य क्यामरा र ठूलो ८,००० एमएएच सिलिकन–कार्बाइड ब्याट्री समावेश गरेको छ।

शाओमीका अनुसार १७ म्याक्सको ब्याट्री २ दिन भन्दा बढी सामान्य प्रयोगको लागि उपयुक्त हुने बताएको छ र डिभाइसमा रहेको ब्याट्रीले १,६०० चार्जिङ चक्र पछि पनि आफ्नो ८० प्रतिशत सम्म चार्ज कायम राख्न सक्ने भएको हुनाले यो दैनिक प्रयोगको ४ वर्ष भन्दा बढी अवधि भएको जीएसएमएरिनाले रिपोर्ट गरेको छ।

डिभाइसको ब्याट्रीलाई केबल मार्फत १००वाट सम्मको गतिमा र केबल बिना ५०वाट सम्मको गतिमा रिचार्ज गर्न सकिनेछ। साथै १७ म्याक्सले अन्य डिभाइसहरूको लागि २२.५वाट सम्मको रिभर्स वायर्ड चार्जिङ पनि प्रदान गर्न सक्नेछ।

शाओमी १७ म्याक्समा क्वालकमको फ्ल्यागशिप स्न्यापड्रागन ८ एलिट जेन ५ चिप, १६ जीबी सम्मको एलपीडीडीआर५एक्स र्याम र ५१२ जीबी युएएफएस ४.१ स्टोरेज समावेश गरिएको छ।

नामकरण अनुसार १७ म्याक्समा २,६०८ × १,२०० पिक्सेल रिजोल्युसन र १२० हर्ज रिफ्रेस रेट भएको ६.९ इन्चको एएमओएलईडी डिस्प्ले रहेको छ। प्यानललाई ३,५०० निट्ससम्मको पीक ब्राइटनेसमा मूल्याङ्कन गरिएको छ र पञ्च होल कटआउट भित्र ३२ मेगापिक्सेलको सेल्फी क्यामरा र अल्ट्रासोनिक फिङ्गरप्रिन्ट स्क्यानर रहेको छ।

शाओमी १७ म्याक्स पछाडि माथि उल्लिखित २०० मेगापिक्सेलको मुख्य क्यामरा समावेश गरिएको छ र यो सामसङको एचपी९ सेन्सरले सुसज्जित रहेको छ। यो मुख्य क्यामराले १३.५ईभी सम्मको डाइनामिक रेञ्ज, एफ÷१.६५ एपर्चर र ओआईएसलाई समर्थन गर्दछ। त्यसैगरी डिभाइस्मा म्याक्रो फोटोग्राफीको लागि उपयुक्त ५० मेगापिक्सेल ३× टेलिफोटो लेन्स रहेको छ। साथै तेस्रो शूटर १७ एमएम बराबरको ५० मेगापिक्सेल अल्ट्रावाइड रहेको छ।

सफ्टवेयरतर्फ एन्ड्रोइड १६ मा आधारित हाइपरओएस ३ समावेश गरिएको र फोनमा पूर्ण आईपी६८/आईपी६९ इनग्रेस सुरक्षा पनि रहेको छ।

शाओमी १७ म्याक्स कालो, सेतो र नीलो रङ्गहरूमा उपलब्ध हुनेछ। १७ म्याक्सको १२/२५६जीबी ट्रिमको लागि चीनमा ४,७९९ चिनियाँ युआन (७०५ अमेरिकी डलर/६०९ यूरो ) बाट मूल्य सुरु हुन्छ भने १६/५१२जीबी ट्रिमको लागि ५,७९९ चिनियाँ युआन (८५३ अमेरिकी डलर/७३५ यूरो) मूल्य कायम गरिएको छ।