सामसङ ग्यालेक्सी ए२६ ले वान यूआई ८.५ अपडेट प्राप्त गर्यो

May 2026

सामसङले गत जनवरीमा ग्यालेक्सी एस२६ परिवारमा डेब्यु गरिएको आफ्नो एन्ड्रोइड स्किनको संस्करण वान यूआई ८.५ को निरन्तर रोलआउट जारी राखेको छ। यो रोलआउट यो महिनाको सुरुमा ग्यालेक्सी एस२५ र एस२४ रिजबाट सुरु भएको थियो र त्यसपछि फोल्डेबलहरू सहित कम्पनीका धेरै भन्दा धेरै हाई–इण्ड डिभाइसहरूमा उपलब्ध गराइएको छ।

सामसङले अब अपडेट ग्यालेक्सी ए२६ को लागि रोलआउट गरेको छ। यो फोन गत वर्षको मार्चमा वान यूआई ७ अनबोर्डको साथ लन्च गरिएको थियो र सेप्टेम्बरको अन्त्यमा वान यूआई ८ मा अपडेट प्राप्त गरेको थियो। ग्यालेक्सी ए२६ को लागि वान यूआई ८.५ अपडेटको फर्मवेयर संस्करण ए२६६एमयूबीयू९सीजेडईए रहेको र ग्वाटेमालामा रोलआउट भएको देखिएको छ।

सधैं जस्तै, अपडेट चरणबद्ध रूपमा उपलब्ध हुने सम्भावना भएको हुनाले यो ग्वाटेमालाको प्रत्येक ग्यालेक्सी ए२६ एकाइमा नपुगेको हुन सक्ने र यो आफ्नो बाटोमा रहेको उल्लेख गरिएको छ। त्यसैगरी सामसङले आगामी दिनहरूमा अझ धेरै देशहरू र क्षेत्रहरूमा उपलब्धता विस्तार गर्ने आशा गरिएको जीएसएमएरिनाले रिपोर्ट गरेको छ।