कक्षा १२ को नतिजा असार दोस्रो साताभित्रै सार्वजनिक गर्ने तयारी, छिटो ‘रिजल्ट’ आउने भएसँगै विद्यार्थी उत्साहित

May 2026

कक्षा १२ को नतिजा (रिजल्ट) असारको दोस्रो साताभित्र सार्वजनिक गर्ने तयारी गरिएको छ । बैशाख १४ गतेदेखि सुुरु भएको कक्षा १२ को परीक्षाको नतिजा असार दोस्रो साताभित्र सार्वजनिक गर्ने तयारी गरिएको हो ।

असारको दोस्रो साताभित्रै नतिजा सार्वजनिक गर्नेगरी तयारी गरिरहेको राष्ट्रिय परीक्षा बोर्डका एक अधिकारीले बताएका छन् ।

यसपालीको कक्षा १२ को परीक्षामा ४ लाख १८ हजार ८ जना परीक्षार्थी सहभागी भएका थिए ।

नतिजा सार्वजनिक गर्न ढिलाई हुँदा विद्यार्थीको मनोबल खस्किने भन्दै सरकारले छिटो नतिजा सार्वजनिक गर्न निर्देशन दिएको थियो । सोही अनुसार आवश्यक तयारी गरिरहेको बोर्डले जनाएको छ । यसअघि माध्यामिक शिक्षा परीक्षा (एसइई) को नतिजा पनि १ महिनामै सार्वजनिक गरिएको थियो ।