एमालेमा अध्यक्ष ओलीको प्रस्तावित जिम्मेवारी, कसलाई कुन ?

May 2026

भक्तपुर । नेकपा एमालेका अध्यक्ष केपी शर्मा ओलीले नेताहरूको कार्य विभाजन सहित नेताहरूको जिम्मेवारी छलफलका लागि प्रस्ताव गरेका छन् ।

एमाले नेताका अनुसार आफूले समग्र पार्टीको नेतृत्व गर्ने तथा उपाध्यक्ष रामबहादुर थापा ‘बादल’ले सुशासन र सेवा प्रवाहसम्बन्धी जिम्मेवारी प्रस्ताव गरेका छन् ।

अर्का नेता विष्णु पौडेललाई विभागहरूको संयोजन, पृथ्वीसुब्बा गुरुङलाई सामाजिक विकास सम्बद्ध विभाग, गोकर्ण विष्टलाई पूर्वाधार विकास र रघुजी पन्तलाई मानव स्रोत सम्बद्ध विभागको जिम्मेवारी दिने प्रस्ताव गरेका छन् ।

सङ्गठनात्मक कामको संयोजन र केन्द्रीय कार्यालयको नेतृत्वको जिम्मा महासचिव शंकर पोखरेल तथा उपमहासचिव लेखराज भट्टलाई नीति तथा योजना विभागको प्रमुखको जिम्मेवारी प्रस्ताव गरेको बताइएको छ ।